Rrëfimi i Klinsmann: Të luaja atje ishte si një universitet jete për mua

Jurgen Klinsmann është pjesë e ekipit Inter Forever, i cili po organizon një tur në Angli. Gjermani ka qenë pjesë e Interit në vitet 90 dhe tregon në një intervistë për Inter TV disa momente pikante dhe se çfarë e kishte bërë atë që të dashuronte ngjyrat zikaltër. Ai e përshkruan Interin si një universitet të jetës.Ja fjalët e tij:
“Për mua ka qenë një ëndërr. Me e madhja ëndërr. Luaja me Stutgart, jo një skuadër të nivelit të Interit. Ka qenë një shkollë jete për Jurgenin (flet për vete), kam mësuar që të kuptoj dhe të pranoj njerëzit ashtu siç janë. Në ato tre vite tek Interi kam mësuar gjithçka dhe ky klub ka mbetur brenda meje. Pas Interit mund të luaja kudo dhe pa frike. Prandaj e quaj universitet të jetës.Çdo kalim tek një kampionat i huaj për mua ka qenë shumë i rëndësishëm, por kalimi tek Interi më i rëndësishmi. Ishte shumë e rëndësishme edhe ajo çfarë ndodhte jashtë fushës, edhe pse ishte fusha ajo që më paguante rrogën në fundin e muajit. Po ju tregoj një anektodë nga ajo kohë ku darkat në shtëpinë e presidentit Ernesto Pellegrini nuk ishin të rralla.Ne fillim nuk e dija çfarë do të thoshte të shkoje të haje drekë me presidentin e skuadrës. Kam mbetur pa fjalë me stilin e tij, për mënyrën se si i fliste lojtarëve, personalitetin e tij, diskutimet me drejtuesit. Momente speciale. Të bënte te kuptonte çfarë ishte Interit për interistat. Shpesh herë na ftonte si skuadër sepse nëse gjërat shkonin keq, ishte ai që na fuste përsëri në shina duke na bashkuar. Ai si president i një klubi të madh sillej sikur të ishte president i një kombi. Aq shumë e donte atë skuadër sa jepte gjithçka për të. Na mësoi edhe ne ta donim po aq shumë.”