Rrëfehet njeriu që zbuloi Messin: Ishte “jonormal”, firmosëm në një pecetë

Carles Rexach është skauti që bëri zbulimin më të madh në botën e futbollit, ai zbuloi talentin me aftësi jonormale, Lionel Messin. Ai ka pranuar botërisht se djaloshi kishte aftësi të mëdha dhe ishte i destinuar për madhështi.

Futbollistët e rinj në kushte normale kanë një zhvillim gradual hap pas hapi, por kjo nuk ka ndodhur me Messin, i cili në një moshë të vogël zotëronte një talent të madh dhe dukeshe shumë superiorë me moshatarët e tij. Messi u nis për në Barcelonë në mënyrë që klubi katalanas ta shikonte në fushë, dhe ish-skauti ka pranuar se ai e dinte menjëherë se aftësitë e tij ishin diçka që nuk ishin parë ndonjëherë.

“Shkova aty rreth orës 5 dhe po shihja pa shumë vëmendje pasi futbolli është një ndeshje ekipi. Por ai djalosh luante i vetëm, ai mori topin dribloi lojtarët e tjerë dhe shënoi një gol,” rikujton Rexach për The Sun.

“Ai kishte aftësi jonormale. Të gjitha instinktive. Ai kishte lindur për të luajtur futboll. Dhe kur u riktheva në pakninë thashë se duhet ta merrnim pasi ishte nga një galaksi tjetër. Që nga ai moment ai do të bënte blerjen më të rëndësishme të historisë së Barcelona-s, duke detyruar babanë e tij të nënshkruante mbi një pecetë. I dhashë fjalën babait të tij se do të merrja me vete të birin e tij. Por kishim me vete vetëm një pecetë. Kështu që unë shkrova, si drejtori teknik i Barcelona-s, se kisha vendosur të nënshkruaja me Leo Messi-n.” Çfarë ndodhi më pas dihet tashmë.