Hoxha Hysen Shehu ishte i pari që mësoi të vërtetën tronditëse, për vrasjen e Lirije Lamit nga nusja e saj. Ishte pikërisht kjo e fundit ajo që ishte drejtuar te Hoxha dhe në një rrëfim 72 minutësh, kishte treguar çdo gjë, me detaje. E ky rrëfim është filmuar nga hoxha dhe tashmë është në duart e hetuesve.
Përpara autoriteteve ai ka dëshmuar se: “Më erdhi Marjana Cmeta për t’u rrëfyer. Sipas fesë, një femër nuk lejohet të vijë e vetme. I kërkova të vijë herë tjetër e shoqëruar nga familjarët. Për të shmangur keqkuptimet vendosa ta regjistroj. Regjistrova bisedën e nuses qe te hiqja çdo dyshim”, është shprehur ndër të tjera sot në gjykatë Hoxha i arrestuar tashmë.
Për moskallëzimin të ngjarjes në organet kompetente, ai është justifikuar kështu: Feja nuk më lejon ta denoncoj në polici.
![](https://tiranatoday.com/wp-content/uploads/2018/03/hoxha-770x470.png)