Policia Greke ka arrestuar një 39-vjeçar shqiptar, i cili dyshohet se është autori i grabitjes së ndodhur më datë 26 prill 2019, në Sepolia.
Nga mediat greke, mësohet se grabitësi shqiptar kishte shkuar në banesën e çiftit të moshuar dhe ka vjedhur para prej andej. Por ai nuk e ka lënë me kaq, teksa mësohet se i dyshuari ka ushtruar edhe dhunë ndaj të moshuarve, duke i lënë në gjendje të rëndë shëndetësore.
Ajo çfarë bën më shumë habi është se, shqiptari i dyshuar është kapur nga policia greke, për një vjedhje të kryer disa orë më vonë, në të njëjtën ditë, në tjetër vend. Ndërkohë, policia ka bërë të ditur se është vënë në kërkim të një shqiptari tjetër, i cili dyshohet të ketë qenë bashkëpunëtori i grabitësit.
