Ngjarja e ndodhur 3 ditë më parë në ambientet e QSUT në kryeqytet tronditi njerëzit. Një djalë i ri shihet teksa rreh një grua. Ngjarja e rëndë ka ndodhur në mes të ditës dhe në prani të kalimtarëve, të cilët nuk kanë ndërhyrë. Por, ajo që është edhe më e rëndë, është fakti se aty pranë ndodhej edhe një efektive, por nuk e ndalon të riun.
Ndërkohë, sot gazetarja e kronikës së zezë, Anila Hoxha ka bërë me dije se dhunuesi që rrahu një grua është Ramazan Rraja. Një emër i njohur, pasi është djali i xhaxhait të Rexhep Rrajës.
“E moret vesh o shoke dhe shoqe ? Ai tipi qe u shfaq tek JOQ Albanja duke rrahur barbarisht nje grua quhet Ramazan Xhelal Rraja , vitlindja 1993. Eshte referuar ne gjendje te lire për hetime te metejshme ne prokurori. Miremengjes!”-shkruan Hoxha.
Ramzan Rraja është akuzuar nga nën komisari i Krujës, Emiljano Nuhu se së bashku me nipin tjetër të deputetit të PS Rrahman Rraja e kanë kërcënuar me jetë. Duke i thënë se nëse nuk heq dore nga hetimi i çështjes se Xhisiela Malokut do ta zhdukin brenda 24 orëve.
