Pas rastit të rëndë në Pejë ku u dhunua një e moshuar, u është hequr licenca Aurona Pelajt dhe tre infermiereve të tjera. Kaltrinë Zeneli publikoi videon tronditëse ku shihet punonjësja Aurona Pelaj e cila ushtron dhunë ndaj të moshuarës në një azil në Pejë, Kosovë. Punonjësja shihet duke goditur me shpulla dhe këmbë në bark të moshuarën, ndërsa vajzat e tjera e filmojnë dhe qeshin. E moshuara është nëna e dëshmorit Taulant Nura.
Oda e Infermierëve të Kosovës ka bërë të ditur se u ka hequr licencën Aurona Pelajt, e cila një ditë më parë u arrestua për sulm fizik ndaj një 70-vjeçareje në një shtëpi të moshuarve në Pejë si dhe tri infermiereve të tjera.
“Sot me datë 03.11.2022 me fillim nga ora 11:00 u mbajt takimi urgjent i Prokurorit të OIK, Këshillit Etik dhe Kryetarit të OIK në lidhje me ngjarjet e fundit të cilat kanë ndodhur ditën e djeshme në lidhje me ushtrimin e dhunës nga 4 infermiere ndaj një gruaje të moshuar në Shtëpinë e Pleqve ‘Orenda’ në Pejë, në të cilin u nxorr vendim për tërheqje e Licencës dhe fshirje e Profesionistëve Shëndetësor nga regjistri i OIK për anëtarët:
1.Aurona Pelaj me numër të anëtarësisë OIK-1033/22, profili shëndetësor “Bachelor i Shkencave në Infermieri” numër të licencës KO-37133/A-06-20;
2.Altina Rexhepi me numër të anëtarësisë OIK-279/21, profili shëndetësor “Bachelor i Mamisë” me numër të licencës KO-32611/A-06-1;
3.Giltiana Neziri me numër të anëtarësisë OIK-1376/19, profili shëndetësorë “Infermiere e Përgjithshme”;
4.Remzije Kuqi – Gashi me numër të anëtarësisë OIK-7262/18, profili shëndetësorë “Teknik i Mjekësisë” me numër të licencës KO-27194/A-05-20”, thuhet në njoftim.
