Një ndër këngëtarët që mbetën jashtë finales këtë edicion në “Kënga Magjike”, ishte edhe Robert Aliaj, i cili konkurroi me “Ah ku më hodhi Zoti”, një përshtatje e poezisë “ Anës Lumenjve” e Fan Nolit, me aktualitetin e sotëm.
Por kënga e Aliaj nuk mori pikët e mjaftueshme për t’u kualifikuar për në finale. Sikundër ndodh çdo vit, finalistët mblidhen në “E diela shqiptare”, ku komentohen këngët fituese.
Një koment ka ardhur edhe nga Ronela Hajati, e cila tha se “Ah ku më hodhi Zoti” nuk është këngë, por recitim. Sipas saj, Aliaj mund të shkojë vetëm në ndonjë kongres me atë kēngë, e jo në “Kēnga Magjike”. Por Hajati hasi në kundërshtime nga koleget Aurela Gaçe dhe Rovena Dilo, të cilat mendojnë se kënga e Robertit dhe mesazhi që përcjell është ndër më të bukurat e këtij edicioni. Ronela i mëshonte faktit se Roberti mund të ishte ndoshta si numër pērshëndetës, por kurrsesi si konkurent me atë kēngë.
