Nëse Cristiano Ronaldo po vuan për të gjetur golin e parë me Juventusin, këtë vështirësi nuk e ka hasur djali i tij Cristiano Jr. Ai ka shënuar plot katër gola në ndeshjen e parë me fanellën bardhezi përballë Lucentos, të cilën Juventus U-9 e fituan me rezultatin 7-1.
Ylli portugez i “Zonjës së vjetër” nuk ka mundur të shënojë asnjë gol në 3 javët e para të kampionatit italian, edhe pse rastet nuk i kanë munguar.
Debutimi ishte perfekt për Ronaldo Jr., që ishte autori i 4 prej 5 golave të Juventusit, duke e kaluar babain e tij fitues të 5 “Topave të Artë”, duke treguar se nuk e ka aspak problem përshtatjen me skuadrën e tij.
