Cristiano Ronaldo, ishte transferimi më i bujshëm i merkatos së verës, ai pas 9 vitesh vendos të largohet nga Real Madrid dhe të bashkohet me Juventusin. Pesë herë fituesi i “Topit të Artë” ka dhënë një intervistë të gjatë për kompaninë e transmetimit DAZN, pasi është bërë edhe ambasador i kompanisë botërore.
Ylli portugez ka treguar në këtë intervistë edhe golin më të bukur që ka shënuar në karrierën e tij, si dhe disa detaje të vogla që e bindën atë për të zbarkuar në Torino.
A ka ndikuar ai në vendimin e tij për t’u bashkuar me Juven?
“Disa njerëz thonë se po, disa njerëz thonë jo. Mund të them se detajet e vogla bëjnë një ndryshim të madh në fund të ditës”. Ajo që mund të them është se çfarë pashë në atë stadium ndihmoi, të jem i sinqertë. Për fat të keq, unë e shënova këtë gol kundër klubit tim të tanishëm, por kjo është e kaluara.
“Ishte sipas mendimit tim goli më i mirë i karrierës sime deri më tani dhe natyrisht kur njerëzit filluan të duartrokisnin mua, thashë “Uau”. Më befasoi shumë, siç nuk kishte ndodhur kurrë në jetën time. Ishte një moment i pabesueshëm”– u shpreh Ronaldo.
Po ashtu Ronaldo ka treguar edhe se numri 7 është i preferuari i tij dhe se kjo cështje me klubin dhe me kolumbianin Cuadrado është zgjidhur shumë lehtë: “Para se të vija kisha folur me klubin që dëshiroja të mbaja numrin 7, pasi është numri që më pëlqen më shumë. Atë e mbante Cuadrado dhe menjëherë pasi erdha fola me të. Ne ramë dakord shumë shpejt dhe jam shumë i lumtur që Cuadrado pranoi, gjithashtu edhe për të gjithë mikpritjen që më është bërë tek Juventusi”.
