Real Madrid ruan hapin e fitoreve edhe në La Liga, pasi kanë mposhtur Eibarin në transfertë 1-2. Cristiano Ronaldo bëhet protagonisti kryesor në këtë sfidë me dy gola, ku arrin kuotën e 18 golave në kampionat, 5 më pak se kryesuesi. “Los Blancos” kanë 57 pikë, kur mbeten edhe dhjetë javë nga fundi, ndërsa Barça kryesuese ka 12 pikë më shumë dhe ka luajtur një ndeshje më pak.
Madrilenët e gjetën golin e parë në pas minutës së 30’, ku Luka Mosdric asiston në mënyrë perfekjte për Ronaldon, i cili i vetëm përballë portierit nuk mund të gabonte. Në minutën e pestë të pjesës së dytë, Eibar barazoi gjatë një goditje nga këndi, ku Ramis kërceu më lart se të gjithë.
Real Madrid i kishte fituar të tre ndeshjet e mëparshme në fushën e Eibar me një mesatare golash të shënuar 3.3 për ndeshje. Edhe këtë herë historia nuk ndryshoi. Pesë minuta para fundit “CR7” bëri diferencën duke shënuar golin e fitores. Sulmuesi portugez u gjend në vendin e duhur në momentin e duhur duke shënuar me kokë pas krosimit të Dani Carvajal. Ky ishte goli i tij i 13-të në shtatë ndeshjet e fundit.
