Real Madrid ka siguruar në mënyrë dramatike kualifikimin për në gjysmëfinale të Champions League në sekondat e fundit të përballjes me Juventus. Bardhezijtë bëjnë mrekullinë duke gjetur tre herë rrugën e rrjetës, dy herë më Mandzukic dhe një herë më Matuidi, por ndeshja nuk shkon në shtesë dhe këtë anulim e bën Ronaldo.
Ndeshja nis me gol nga “tuneli”, ku është Mandzukic që dërgon topi në rrjetë pas një krosimi fantastik të Khediras. Është goli më i shpejtë që ka pësuar Real Madrid në historinë tij në Champions League. Real mbase e ka nënvlerësuar shpirtin e garës së Juve-s por me kalimin e minutave arrin të rrezikojë disa herë portën e Buffon, por Bale dhe Isco tregohen të pasaktë.
Gabimet e Realit i korigjon Juventusi, pasi në fundin e pjesës së parë është sërish kroati që shënon një gol mjaft të bukur me kokë dhe shokon madrilenët.
Ndeshja hapet dhe pas pushimit Juventus tregohet më i duruar duke u mbrojtur mirë ndërsa Zidane bën dy ndryshime duke përforcuar krahët. Por në minutën e 61’ Blaise Matuidi përfiton nga një gabim fatal i Keylor Navas duke barazuar gjithçka.
Pas golit të tretë Reali merr frenat e ndeshjes në dorë dhe sulmon, pasi Juventus u rreshtua në prapavijë dhe ishte e interesuar ta mbyllte në 3-0 për ta çuar në shtesë.
Por në sekondat e fundit arbitri akordon një penallti në favor të Realit, pas një ndërhyrje të Benatia në zonë ndaj Lucas Vasquz. Tensioni pushton fushën dhe Buffon del jashtë me karton të kuq për protesta. Në fushë futet portieri i dytë por Ronaldo i jep fitoren Realit duke kaluar në gjysmëfinale.
