Juventusi ka bërë goditjen e shekullit duke i rrëmbyer Cristiano Ronaldon Real Madridit. Eksperienca e portugezit padyshim që do të japë një kontribut të madh tek bardhezinjtë, për të arritur objektivin e madh Champions League. Ronaldo i ka kushtuar Juventusit 105 milionë euro, paratë e depozituar në arkat e madrilenëve.
Por në të vërtetë ky transferim ka kushtuar shumë më shumë dhe Ronaldo është bërë lojtari më i shtrenjtë dhe më i paguar në historinë e kampionatit italian. Të gjithë e quajnë “Goditja e Shekullit” por sa ka kushtuar në të vërtetë CR7? Premium Sport analizon në hollësi detajet. Kosto totale është rreth 370 milionë euro që ndahet kështu:
105 milionë euro për Realin.
12 milionë euro kontributi i solidaritetit i parashikuar nga FIFA.
25 milionë euro komisione për Mendes.
60 milionë euro bruto që janë 30 neto në vit, për 4 vite për lojtarin. Që do të thotë 220 milionë euro.
