Përfundojnë ndeshjet e fundit në grupe të UEFA Champions League. Juventusi ka triumfuar në “Kamp Nou” në shifrat e pastra 3-0. Kristiano Ronaldo fitoi një penallti mes polemikave dhe më pas e shndërroi nëgol duke festuar në sytë e Leo Mesit. Pas golit të portugezit nga pika e bardhë, erdhi edhe goli spektakolar nga McKennie, i cili mori një krosim perfekt nga Kuadrado dhe i lirë brenda zones, nuk fali Ter Stegen.
Në minutën e 52, Juventusi shënoi edhe golin e tretë ndaj Barcelonës sërish me Kristiano Ronaldon nga pika e bardhë e penalltisë, teksa ishte Lenglet ai që preku me dorë topin në zonë.
Mançester Junajtid është mundur nga Leipzig me rezultatin 3-2. Gjermanët zhbllokuan shifrat në minutën e 2 me Anxhelinon. Mbrojtësi i majtë ndëshkoi De Gean me një gjuajtje të bukur me të majtën. 10 minuta më vonë, Leipzig dyfishoi shifrat me Haidara, i cili realizoi një gol të bukur fluturimthi pas një asisti po aq të bukur nga Anxhelino.
Në minutën e 69, Leipzig realizoi edhe golin e tretë me Klaivert, i cili u fut në zonë dhe shënoi i pashqetësuar nga mbrojtja e anglezëve. Në ndeshjet e tjera Sevilja ka mundur Rene pastër 1-3, ndërsa Çelsi dhe Krasnodar janë ndarë në barazim 1-1.
