Real Marid mund të thuhet se është zyrtarisht në krizë, pasi ndodhet në vendin e katërt në renditje dhe me 16 pikë më pak se kryesuesit e Barcelonës. Përpos rezultateve të dobëta flitet edhe për shumë pakënaqësi mos lojtarëve dhe drejtuesve, ku disa prej tyre flitet se kanë kërkuar largimin dhe një prej tyre është ylli portugez, Cristiano Ronaldo.
Pesë herë fituesi i “Topit të Artë” edhe pse nuk ka shkëlqyer deri në këtë pikë të sezonit është shprehur optimist dhe beson se skuadra mund ti përmirësojë gjërat në pjesën e mbetur. Së fundmi, Ronaldo e publikoi një mesazh në llogarinë e vet zyrtare në Instagram, duke i siguruar madrilenët se çdo gjë do të rregullohet.
Ronaldo, i cili në sezonet e kaluara shënonte më lehtësi, ka hasur vështirësi ta gjejë rrjetën e portës këtë sezon, duke shënuar vetëm katër gola në 13 paraqitje në kampionat. Megjithatë, ai ka postuar një mesazh pozitiv në Instagram, ku shihet duke u stërvitur në palestër.
“Pavarësisht sa zgjat stuhia, gjithmonë pas saj shkëlqen dielli”, ka shkruar Cristiano.
Reali, kampion aktual i La Ligës dhe Ligës së Kampionëve, është duke përjetuar një krizë që vështirë të kuptohet. Skuadra e Zinedine Zidane ka vetëm nëntë fitore në 17 ndeshje në kampionat dhe ndodhet 16 pikë prapa Barcelonës, shtatë pas Atletico Madridit dhe pesë pas Valencias.
