“Santiago Bernabeu” do të presë finalen e dytë të Kupës Libertadores mes River Plate dhe Boca Juniors. Në tribunën e stadiumit pritej që të ishin të pranishëm edhe 10 “Topat e Artë”, pasi Conmebol kishte ftuar Lionel Messin dhe Cristiano Ronaldon. Por kjo duket se nuk do të jetë e mundur, pasi ylli portugez duket se ka refuzuar këtë ofertë sipas asaj që bën të ditur e përditshmja spanjolle ‘AS’.
Burime pranë lojtarit portugez janë shprehur “Është ende herët për tu kthyer në Bernabeu”. Nëse do të kishte marrë pjesë në Superklásiko, për Cristiano do të ishte hera e parë në Bernabeu që pas lamtumirës nga Real. “Raporti me klubin ka mbetur i paprekur pas largimit të Juventus. Nga ana tjetër, Cristiano do të ishte i lumtur të merrte pjesë në festë, të pranonte ftesën e Federatës e të ndiqte me Messi ndeshjen nga tribuna, vetëm se këtë herë nuk do të jetë e mundur”, kanë pohuar për AS të njëjtat burime.
