Cristiano Ronaldo ka lënë një super vilë për një tjetër shtëpi, në mënyrë që të ketë më shumë hapësirë.
Si shumë të tjerë edhe sulmuesi i Juventus është i detyruar të qëndrojë në karantinë, për shkak të rrezikut nga Koronavirus. Megjithatë portugezi duket se u mërzit duke qëndruar i izoluar në shtëpinë e tij dhe ka vendosur të ndërrojë ambient.
Portugezi ka marrë me qera për një javë një shtëpi në fshatin e njohur Kanisal, për të cilën paguan 4 mijë euro në javë.
Një vilë me të vërtetë luksoze, ku janë të gjitha kushtet dhe Ronaldo ka mundësinë dhe hapësirën e mjaftueshme për të bërë stërvitje.
Një pishinë e madhe, një pamje e bukur e pyllit, por edhe e Oqeanit Atlantik. Çfarë mund të kërkonte më shumë sulmuesi?!
