Cristiano Ronaldo i ka kërkuar klubit të Juventusit që të futet në garë me Barcelonën dhe skuadrat e tjera të mëdha për të sjellë në janar talentit të ri të Ajxit dhe Holandës, Matthijs De Ligt.
“Don Balon” raporton se këto sugjerimi nga ish-ylli Madrilen vijnë për të ndihmuar edhe trajnerin Allegri që të ketë në dispozicion një skuadër të fortë, me të cilën të luftojë denjësisht dhe të arrij suksesin e shumëkërkuar në Ligën e Kampionëve.
Raporti shton gjithashtu se përveç De Ligt, Barcelona është duke kërkuar transferimin e Frenkie De Jong, prandaj duket se skuadra e “Blaugranëve” do të mbushet me talente të rinj holandezë nëse gjërat shkojnë sipas planeve.
De Ligt tashmë ka siguruar vendin në formacionin e Ajax, një arritje mjaftë e madhe duke marrë parasysh që lojtari është vetëm 19 vjeç. Qetësia dhe aftësia e lojtarit me topin do ta bënin atë një super përforcim si te skuadra e Juves ashtu edhe te Barcelona.
Holandezi është i njohur për pozitën si një mesfushor defanziv, shkathtësi që mund të shfrytëzohet mirë në secila skuadër në të ardhmen. Tani mbetet të shihet nëse “Zonja e Vjetër” do të dëgjojë Ronaldon për të kërkuar shërbimet e tij në janar, por në rast se vendosin atëherë do të përballen me fuqinë e gjigantit spanjoll–Barcelonës.
