Kriza mes Real Madrid dhe Cristiano Ronaldos duket se ka marrë fund, drejtuesit janë dorëzuar para kërkesës së yllit portugez dhe kanë rënë dakord që ti rinovojnë kontratën në qershor. Sipas të përditshmes spanjolle ABC, klubi ‘merenges’ ka pranuar kërkesën e sulmuesit portugez për të rritur pagën e tij duke nisur nga muaji qershor i këtij viti.
Paga e Ronaldos do të rritet me 9 milionë euro për të shkuar në 30 milionë euro në sezon, shifër kjo që afron me pagën e futbollistëve të tillë si Neymar. Ronaldo ka shprehu dëshirën për të qëndruar në Madrid dhe ka pranuar që nuk është momenti i duhur për të rinovuar, por duhet të presin deri në fund të sezonit. Në këtë mënyrë, Reali i Madridit kërkon të mbyllë përfundimisht një krizë në skuadër dhe të garantojë besim, qetësi dhe vazhdimësinë e Cristiano Ronaldos se kampionët e Spanjës dhe të Evropës.
