Nuk kanë të sosur telashet për Cristiano Ronaldon edhe në vitin e ardhshëm. Teksa futbollisti është duke u munduar të mbyllë dënimin në Spanjë pa bërë vite burg dhe ta zëvendësojë me një gjobë shtesë; duket se drejtësia nuk do ta pranojë. Gjykata e Spanjës ka bërë të ditur datën se kur do të kryhet gjyqi, e cila do të jetë në 21 janar 2019.
CR7 është shpallur fajtor për akuzën e mashtrimit financiar gjatë kohës që ishte pjesë e klubit të Real Madritit. 33-vjeçari akuzohet për katër vepra penale të evazionit fiskal pasi ka mashtruar Thesarin spanjoll.
Ku përfshihet edhe fshehja e të ardhurave të krijuara nga të drejtat e tij të imazhit, duke shkelur në këtë mënyrë detyrimet e tij fiskale. Sipas prokurorit për Krimet Ekonomike në Madrid, futbollisti e ka bërë për vepër penale “vullnetarisht” dhe me “ndërgjegje të plotë”. Por, veç dënimit me burg, fituesi 5 herë i Topit të Artë, do të paguajë edhe një gjobë afro 19 milion euro.
Por, ylli i Juventusit duket se nuk do të kalojë asnjë kohë pas hekurave, pasi dënimet në Spanjë dy vjeçare dhe më poshtë; mund të kryhen edhe në lirim me kusht. Që prej muajit korrik, Ronaldo kërkoi të arrinte një marrëveshje me autoritet spanjolle.
Seanca gjyqësore do të zhvillohet në Gjykatën e Madridit, por sipas informacioneve paraprake futbollisti nuk do të jetë prezent, por do të marr pjesë nëpërmjet një video-konference./ Përshtati: Tirana Today Burimi: RT
