Sipas televizionit spanjoll “La Sexta”, Joze Murinho ka hapur dritën jeshile për rikthimin e Kristiano Ronaldo te Mançester. Portugezi Ronaldo është drejt divorcit me Real Madridin dhe opsioni i tij kryesor është pikërisht ekipi i “Djajve të Kuq”, që tashmë prej disa kohësh kanë punuar për të realizuar kthimin e tij.
Rikthimi i CR7 në “Old Traford” do të pasohej me një investim prej plot 400 milionë euro, prej të cilave 200 milionë do të përfundonin në kasafortën e Real Madrid. Dyshimi më i fundit kishte të bënte me bashkëjetesën mes Ronaldo dhe Mourinjon, që nuk u ndanë mirë nga koha kur ishin te Real Madrid. Por trajneri portugez, shpejt mund të nënshkruajë rinovimin deri në 2021, ndërsa është shprehur se do ta mirëpres bashkombasin e tij .
