Një shqiptar ka rënë në prangat e policisë italiane për grabitje, pasi u kap në flagrancë duke vjedhur në një apartament në Romë.
Ishin pikërisht banorët e zonës ata që lajmëruan policinë, ndërsa 36-vjeçari ka reaguar me dhunë ndaj tyre.
Grabitësit shkelmuan derën kryesore të apartamentit ku grabitën, ndërsa zhurmat zgjuan banorët, të cilët njoftuan policinë.
Policia ka konstatuar edhe një makinë të përdorur nga hajdutët, që rezultoi e vjedhur. Dy karabinierë kanë mbetur me lëndime, njëri prej të cilëve ka ndrydhje të dorës së djathtë, ndërsa tjetri dyshohet se ka pësuar thyerje të rruazës.
