Ervin Skela prej vitesh është shpërngulur drejt Gjermanisë, aty ku është aktivizuar me një sërë ekipesh. Ndërsa, kulmi mund të quhet kur ish-mesfushori u bë pjesë e Eintracht Frankfurt, me të cilët pati një bashkëpunim trevjeçar duke regjistruar 93 ndeshje.
Pikërisht, Eintracht Frankfurt i ka ofruar mundësinë për të marrë drejtimin e ekipit U-17. Kjo do të jetë eksperienca e dytë e vlonjatit, i cili më parë ka qenë po në drejtim të U-17 në klubin e Hessen. Megjithatë, në një prononcim të shkurtër, Skela thekson se ka ende për të mësuar. “Më duhet dhe kam ende shumë për të mësuar”, u shpreh ish-mesfushori i kombëtares.
Megjithatë, tashmë rrrugëtimi i trajnerit duket se ka nisur për Skelën dhe nëse i referohemi cilësive të tij si futbollist, pritet që edhe në këtë rol, 43-vjeçari të mos i zhgënjejë pritshmëritë.