Ekipet e Rojës Bregdetare të Italisë, kanë shpëtuar 484 emigrantë gjatë përpjekjeve për të kaluar Detin Mesdhe.
Përmirësimi i kushteve të motit dhe detit ka sjellë edhe rritjen e numrit të emigrantëve dhe operacionet e shpëtimit. Rruga më e përdorur për trafikimin e njerëzve në mënyrë të parregullt, është rruga nga Afrika në Evropë.
Në deklaratën me shkrim të publikuar nga Roja Bregdetare e Italisë me seli në Romë, theksohet se dje në 4 operacionet e shpëtimit janë shpëtuar 484 persona. Gjatë operacioneve janë nxjerrë 7 kufoma të emigrantëve nga deti.
