Zv/kryeministri i Federatës Ruse, Dmitry Rogozin ka thënë se Serbia nuk do të bëhet anëtare e BE-së, për shkak se nuk i përmbush kushtet.
Rogozin theksoi se Serbia duhet të heqë dorë nga Kosova, për t’u anëtarësuar në BE, gjë që kërkon shumë kohë:
“Asnjë serb kurrë nuk do të tradhtojë atdheun e tij. Këtu nuk bëhet fjalë për gjendje të rëndë ekonomike apo taksa, por për çështje të tradhtisë. Dhe pa hequr dorë nga Kosova serbët nuk do të pranohen në BE. Prandaj, ky do të jetë një proces afatgjatë”, ka thënë Rogozin për “Sputnik”, pas marrjes pjesë në ceremoninë e inaugurimit të presidentit të ri serb, Aleksandër Vuçiç, transmeton GazetaMetro.
