Roberto Carlos tregon se çfarë e bën Ronaldon më të mirë se Messin

Roberto Carlos ka zgjedhur Cristiano Ronaldon si futbollistin më të mirë në botë dhe këtë e ka arsyetuar më së miri. Ish-mbrojtësi brazilian i Real Madrid, por edhe i shumë skuadrave të tjera, Roberto Carlos, nuk ka dyshime dhe ka disa arsye për atë se Cristiano Ronaldo është më i mirë se argjentinasi Lionel Messi. Në një intervistë për mediat spanjolle ai ka sqaruar se kush është ndryshimi që vendos Ronaldon më lart se Messin. Sipas brazilianit, të dy janë fenomenë, por ka ndryshim të vogël që e bën portugezin më të mirë.

“Unë e shoh atë në stërvitje çdo ditë dhe më impresionon puna e tij. Është vërtet e mrekullueshme qëndrimi i tij përballë stërvitjes, përgjegjësisë së ndeshjeve. Ai dëshiron të përmirësohet çdo ditë. Ky është dallimi i tij me Messin”, – thotë braziliani Roberto Carlos. Gjithashtu, ambasadori aktual i klubit të Real Madrid vazhdoi duke folur edhe më shumë: “Messi është një fenomen dhe Neymar gjithashtu. Por kjo mënyrë e stërvitjes së Cristiano-s, profesionalizmit, koncentrimit, motivimit dhe dëshirës për të fituar, e dërgon portugezin një hap para tjerëve.”