Robert Wadlow pati një jetë të shkurtër, vetëm 22 vjeç. Por aq i mjaftoi për të mbetur në histori, si njeriu më i gjatë që ka jetuar ndonjëherë në botë. Lindi më 22 shkurt 1918 në Ilinois të SHBA-së, me një peshë gati normale. Por me kalimin e muajve, nisi të rritej shumë shpejt, në gjatësi dhe peshë.
Mjekët e diagnostikuan me një zmadhim të gjëndrës së hipofizës, që i shkaktonte një prani të lartë të hormoneve të rritjes. Për shkak të gjatësisë ekstreme, që në fund arriti në 3.3 metra dhe një peshë 450 kg, Robert mezi qëndronte më këmbë. Jeta e tij e përditshme, ishte problematike. Shtëpia, hapësirat në të dhe orenditë, nuk ishin të përshtatshme për një njeri të përmasave të tij.
Në moshën 18-vjeçare u bë pjesë e një trupe cirku, duke tërhequr vëmendjen e qindra mijëra njerëzve në mbarë SHBA-në. Për të ecur nisi të përdorte disa proteza në këmbë, të cilat i shkaktuan një infeksion, që në pak orë i mori jetën. Vdiq në gjumë më 15 korrik 1940. Trupi i tij u vendos në një arkivol të stërmadh, dhe u mbajt nga 12 burra, të ndihmuar nga 8 të tjerë.
