Rama ka paralajmëruar sot se qeveria po sheh mundësinë që të rishikohet fatura e energjisë elektrike, për ata abonentë familjarë që harxhojnë shumë. Ai nuk ka dhënë informacione në lidhje me fashën e harxhimit, por nënvizoi se ky është një detaj që po merret në konsideratë. Kreu i qeverisë tha gjatë analizës së tij se biznesit të vogël nuk do i rritet energjia, dhe se është një sforco e madhe e buxhetit.
“Pavarësisht sa do të rritet energjia në treg, ne e kemi ndarë mendjen që njerëzit nuk do të paguajnë. Është një supersforco e buxhetit për këtë. Ne nuk mund t’i rrisim energjinë biznesit të vogël. 18.44 në momentin që ne do t’i vëmë biznesit të vogël detyrimin të paguajë energjinë sa kushton sot, ne menjëherë ju kemi hequr atyre 1 ose 2 rroga. 95 mijë biznese të vogla, 95 mijë të papunë, nëse ne çojmë faturën siç është“, tha Rama.
“Kemi filluar tani të bëjmë një studim për të hequr nga kjo mbrojtje e plotë familjet që konsumojnë shumë energji, se jetojnë në kushte shumë të mira, por janë prap një pjesë e vogël, se nuk ndryshon ndonjë gjë të madhe. Por po e bëjmë dhe këtë pjesë, por për momentin të gjitha familjet, përfshirë dhe familjet tuaja që jeni këtu, nuk kanë asnjë rritje të çmimit të energjisë”, sqaroi më tej ai.
