Saranda, një nga qytetet më të bukura të bregdetit shqiptar e etiketuar si “Perla e Jonit”, është “mbërthyer” këtë sezon turistik nga skandalet e ujërave të zeza.
Pas shpërthimit të ujërave të zeza në Ksamil dhe derdhjes së ujërave të zeza nga kroçera gjigante “MSC Poesia” në det, në afërsi të plazhit të Sarandës, shpërthim i ujërave të zeza në afërsi të kanalit të Çukës, sot ne qendër të qytetit kjo ngjarje është rishfaqur.
Për pasojë plazhi është braktisur nga pushuesit, ndërsa ndërhyrja e Bashkisë për riparimin e tubacionit ka shkaktuar vështirësi në qarkullimin e automjeteve. Shkak është bërë dëmtimi i një tubacioni në afërsi të Kanalit të Cukës rreth mesditës, ndërkohë që pushuesit në Sarandë kanë braktisur këtë të hënë plazhin si pasojë e ndotjes nga ujërat e zeza.
Pushuesit janë larguar të frikësuar por dhe tejet të inatosur sot nga plazhi i Sarandës, për shkak të ndotjes së detit.
Shkak për largimin e pushuesve janë bërë ujërat e zeza, të cilat kanë kanë shpërthyer nga të gjitha anët dhe po derdhen në det, duke krijuar ndotje masive.
Vlen për tu theksuar fakti që vetëm pak muaj më parë në Sarandë përfundoi një investim disa milionë euro për rrjetin e kanalizimeve, ku KLSH kishte kontatuar një dëm ekonomik prej 1.3 miliardë lekë të vjetra dhe për këtë ka kallëzuar penalisht disa drejtues në Bashkinë Sarandë.
