Pandemia e COVID-19 ‘goditi’ fort transportin, ndërsa humbjet ishin kolosale. Por pas shumë muajsh ku lëvizja e autobusëve ishte e ndalur, dhe pas rikthimit vihej re prezencë e paktë e qytetarëve, aboneja shihej si diçka e largët.
Por një lajm i mirë vjen në këtë drejtim, pasi ka nisur prodhimi dhe shpërndarja e aboneve. Në muajt korrik e gusht, qytetarët udhëtuan pa abone në Tiranë.
Burime nga Bashkia e Tiranës thonë se vendimi është marrë në minutat e fundit, ku do nxirren abone si përpara pandemisë.
Pas shumë muajsh të mbyllur për shkak të pandemisë COVID-19, transporti publik funksionon normalisht. Lëvizja e autobusëve bëhet konform protokolleve të sigurisë, të nxjerrë nga Ministria e Shëndetësisë.
