Numri dy i partisë socialiste, Erion Braçe u ka bërë sërish thirrje subjekteve të zbatojnë ligjin dhe të shmangin abuzimet.
Ai u shpreh për mediat se subjektet duhet të paguajnë detyrimet dhe mos t’i bien telefonit, pasi sipas tij, ligji është i barabartë dhe do të veprojë njësojë për të gjithë.
“Mos të shkruajnë as në telefonin tim dhe as në rrjetet sociale, sepse nuk më bën përshtypje fare. Kush shan, merr mbrapsht atë që meriton”, tha ai.
Sa i përket dekreteve të rikthyera për rishqyrtim nga presidenti Meta, ai deklaroi se me nisjen e sesionit të ri parlamentar, mazhoranca do të diskutojë të gjitha dekretet e kthyera mbrapsht.
“Pa më të voglin diskutim. Për sa kohë rregulli thotë se ligjet duhet të shqyrtohen në Kuvend, do të diskutohen të gjitha”, shtoi ai.
