Partizani shijon fitoren e parë këtë sezon dhe e gjen pikërisht në Durrës përballë Teutës. Një ndeshje e luftuar mjaft fort dhe e cila ka sjellë shumë episode përplasjesh mes futbollistëve. Tëuta ishte dominuese në minutat e pjesës së parë deri në momentin që shënon 1-0 me anë të Dostit, edhe ë vazhdim dominojnë duke humbur një 11-metërsh dhe shumë raste. Në minutën e fundit surprizon Partizani me Trashin, që pas një krosimi në zonë godet mjaft bukur me kokë dhe barazon gjithçka. Pjesa e dytë do të jetë një përballje me të vërtetë shumë e fortë ku arbitri u detyrua të nxjerrë dy herë kartonin e kuq për durrsakët dhe të akordojë një 11-metërsh tjetër, por këtë herë për Partizanin. Penalltia do rë ekzekutohet nga Sukaj, i cili nuk gabon dhe sjell avantazhin e të kuqëve. Me këtë rezultat mbyllet edhe kjo supersfidë që na dhuroi shumë emocione me 3 gola, 9 kartona të verdhë dhe 2 të kuq. Kjo është fitorja e parë për Partizanin e Iulianos dhe dy golat e parë që shënojnë lojtarët e tij, ndoshta kjo do të jetë edhe kthesa e ekipit të Presidentit Demi.
Skënderbeu nga ana tjetër vuan pak në pjesën e dytë në Korçë por në fund bën detyrën dhe e mbyll me fitore. Laçi zbret i vendosur mjaft mirë në pjesën e dytë dhe në minutën e 58’ shënon me Lushkjan dhe barazon gjithçka. Korçarët hidhen në sulm dhe pas shumë rastesh në minutën e 75’ është Jashanica që sjell sërish avantazhin që do të vulosë edhe rezultatin përfundimtarë. Pak minuta nga fundi Laçi fiton një 11-metërsh, por Shehi bën heroin dhe bën dy p[ritje të mrekullueshme. Skënderbeu me këtë fitore vazhdon të kryesojë i vetëm, ndërsa Laçi mban vendin e gjashtë me po aq pikë.
