Rikthehet Maratona e Tiranës për të dytin vit radhazi, e cila do të zhvillohet me 15 tetor.
Lajmin e bën të ditur kryebashkiaku Veliaj, i cili ka ftuar të gjithë qytetarët që të bëhen pjesë e kësaj gare.
“Ke shtuar disa kilogramë nga pushimet?! Edhe 77 ditë na ndajnë nga TiranaMarathon, ndiq këto 3 hapa të thjeshtë për t’u bërë pjesë. Regjistrohu! Nis përgatitjet! Shihemi në 15 Tetor te Maratona e Tiranës”, shkruan Veliaj.
Itinerari i ri do të përshkruajë pikat më atraktive të qytetit, ndërsa maratona është konceptuar e ndarë në disa kategori.
Ajo do të çelë siparin e saj me kategorinë “Fun Run”, që nis me vrapimin e qindra nxënësve të shkollave të Tiranës.
Ndërkohë, në kategorinë “We too”, do të marrin pjesë edhe njerëzit më aftësi ndryshe, garë e cila ka për qëllim të jetë më shumë motivuese se sa kompetitive.
Po ashtu, nuk mungojnë dhe dy kategoritë “Half Marathon” (21, 0975 km) dhe “Tirana 10K”, ku Bashkia e Tiranës fton të gjithë qytetarët shqiptarë dhe të huaj mbi moshën 18 vjeç që të marrin pjesë.
