Ish-prezantuesja e emisionit “Njerëz të humbur”, Aida Shtino është shfaqur së fundmi gjatë nënshkrimit të marrëveshjes mes Bashës dhe kreut të PR-së, Fatmir Mediu. Shtino është shfaqur si zyrtare e Partisë Republikane, ndërsa mësohet se ka rreth 8 muaj që është pjesë e kësaj force politike.
Nuk dihet ende posti i Shtinos në PR, por ajo është prezantuar në krahun e majtë të Fatmir Mediut, ndërsa në krahun tjetër është nënkryetari “historik” i PR-së, Arjan Madhi.
Edhe më herët, Shtino është angazhuar në politikë, teksa në vitin 2013 ajo garoi si deputete me siglën e Partisë Drejtësi Integrim dhe Unitet në Qarkun e Lezhës.
Shtino nuk arriti të fitojë një mandat deputeti në zgjedhjet e 2013 dhe që pas asaj periudhe ajo nuk u shfaq më në politik aktive dhe as në media.
