Rezultatet e deritanishme po çojnë PD-në drejt një humbjeje të thellë, me një diferencë votash prej të paktën 140 mijë.
Këto rezultate kanë shkaktuar reagime të shumta, ndërsa deputeti Halim Kosova ka zgjedhur të mos e komentojë këtë humbje të PD-së.
Në një prononcim për Abc News, Kosova tha se momentalisht gjëja më e rëndësishme dhe fokusi është numërimi i çdo vote të qytetarëve.
Ai shmangu pyetjen e gazetares nëse duhet dorëhequr Basha, teksa tha se “nuk mund të vazhdohet me procese të tjera, pa mbaruar procesi i numërimit të votave”.
Si e komentoni rezultatin deritanishëm dhe humbjen e PD-së?
Këtë e dinë votuesit, nuk është momenti për të bërë konkluzione, mbasi të marrim numrin ekzakt të votave, kemi kohë për biseda dhe konkluzione. Porosia ime është mos u shkëpusni nga votimet deri në minutën e fundit.
Po shpresoni përmbysje/ ngushtim të rezultatit?
Për momentin jemi në fazën e numërimit, rëndësi ka të mos humbë asnjë votë. Kam dhe eksperienca të mëparshme të votimeve, kutia e votimit është thelbësore të numërohet ashtu siç është, përqendrim maksimal të numërimit të votave,bëj thirrje që askush të mos e braktisë procesin e numërimit
Po flitet dhe po kërkohet dorëheqja e Bashës, si e komentoni?
Ju thashë dhe një herë, pa mbaruar ky proces, nuk mund të vazhdojmë procese të tjera. E rëndësishme është që të numërohet çdo votë./ Tirana Today
