Komisioni Shtetëror Zgjedhor i Malit të Zi ka publikuar rezultatet përfundimtare të zgjedhjeve parlamentare që u mbajtën dje në vend.
Sipas rezultateve të publikuara, Partia Demokratike e Socialistëve e drejtuar nga Gjukanoviç, ka fituar 35.06 % të votave, përkatësisht 143.548 vota.
Ndërkohë, ajo është pasuar nga koalicioni Për Ardhmëri të Malit të Zi e Zdravko Krivokapiqit, e cila ka fituar gjithsej 32.55% apo 133.267 vota, raporton Gazeta Express.
Koalicioni Paqja është Kombi Ynë ka fituar 12.53 % (51.297), E Bardha mbi të Zezën e Dritan Abazoviç, 5.53% ose 22.649 vota, Socialdemokratët 4.10% (16.769), Partia Boshnjake 3.98 % (16.286), SDP-ja – Mali i Zi i Fuqishëm 3.14% (12.839), Lista Shqiptare 1.58% (6.488) dhe Koalicioni Shqiptar me Një Zë 1.14 % (4.675 vota).
Iniciativa Qytetare Kroate ka fituar 0.27 % (1.115), kurse Partia Reformiste Kroate 0.13%, Rpërkatësisht 532 vota dhe këto nuk e kanë kaluar censusin.
Sipas mediave malazeze, në zgjedhjet e së dielës kanë votuar 76.65 % e votuesve të regjistruar, ose e thënë ndryshe 413.954 votues. Nga këto, vetëm 409.451 fletëvotime janë cilësuar të vlefshme.
