Revolucioni ka filluar, pas Zidane radhën e ka Ronaldo e Bale

Real Madrid është para një revolucioni të madh, ose më saktë në fundin e një epoke të lavdishme. Madrilenët në pesë vitet e fundit kanë fituar 4 herë Champions Leaguen dhe kanë rishkruar historinë e këtij kompeticioni. Por çfarë do të ndodhë me Real Madridin këtë verë?I pari që dha sinjalet e lamtumirës ishte Cristiano Ronaldo. Ylli portugez është kthyer në një ikonë të “los blancos” dhe është tronditës fakti që ai kërkon të ndërrojë ambient. Por ai ishte i qartë në fundin e finales së Kievit, ku fitoi trofeun e pestë personal në Champion, ai u shpreh: “Ishte kënaqësi që të luaja për Real Madridin”. Po ashtu u shpreh se në javët në vazhdim do të komunikoj një sqarim për tifozët. Por jo vetëm kaq, Ronaldo është parë të mos jetë fare miqësor me presidentin Perez dhe mësohet se një premtim që nuk është mbajtur nga ky i fundit është bërë shkak i këtij divorci.Por Ronaldo nuk ishte i vetmi. Pas tij ishte Gareth Bale, heroi i finales që shprehu zhgënjimin tek madrilenët. Ai u shpreh se një lojtarë ka dëshirë të luaj çdo ndeshje dhe kjo mundësi nuk më është dhënë në Madrid, prandaj do të flas me agjentin tim për të sqaruar të ardhmen. Bale është një hap larg Realit dhe për të ka shumë oferta. Edhe Karim Benzema nuk do të vazhdojë gjatë me fanellën madrilene, ai pritet që të largohet këtë verë, pasi ofertat janë të shumta dhe tek Reali pritet që të ketë një rifreskim në sulm duke parë formën e dobët që kaloi francezi në sezonin e fundit. Por edhe me largimin e Zizu nga pankina largimi i tij duket i pashmangshëm.Por ajo që ndodhi në kampin madrilen i ka shokuar të gjithë, kur pritej të largoheshin lojtarët, i pari që u largua ishte trajneri, Zinedine Zidane. Në një konferencë të jashtëzakonshme, ai komunikoi se ka vendosur të largohet nga drejtimi i Real Madrid. Francezi largohet në momentin më të mirë të “los blancos”, ku në dy vite e gjysmë arriti të fitonte 9 trofe. Zidane është shprehur se është momenti i duhur që ai të largohet dhe në ekip të bëhen ndryshime të rëndësishme që të vazhdojë të fitojë trofe. Një sinjal i qartë që tek Real Madrid do të ndodhë një rinovim i gjerë i ekipit.