Peshëngritësit shqiptar kanë reaguar sërish pas përjashtimit që iu bëri Komiteti Olimpik Shqiptar nga Lojërat Mesdhetare të cilat do të organizohen në Spanjë. Ky vendim ka ardhur për shkak të rasteve të përsëritura të dopingut, por nuk është pritur aspak mirë nga 3 kampionët se peshëngritjes, Erkand Qerimaj, Daniel Godelli dhe Briken Calja, që sot janë përballur me drejtuesit e KOKSH.
Takimi u zhvillua në zyrat e Komitetit Olimpik dhe kampionët kanë kërkuar që drejtuesit të anulojnë vendimin e tyre dhe të lejojnë ata që të përfaqësojnë vendin e tyre në këtë kompeticion. Gjatë takimit që patën me zv/presidentin e Komitetit Olimpik, Vojo Malo sportistët kanë ngritur tonet dhe në një moment ka shkuar deri në kontakte fizike
https://tiranatoday.com/erkand-qerimaj-sulmon-koksh-in-skandal-jeni-militante-te-lsi-se/
Kjo nuk është aspak e drejtë sipas sportistëve , pasi këta të fundit disponojnë edhe ftesën që ka ardhur nga organizatorët e Lojërave Mesdhetare që të marrin pjesë në aktivitetin e radhës. Së bashku me sportistët janë bashkuar edhe trajnerët e tyre, ndërsa kanë mbështetjen edhe të federatës së peshëngritjes. Por nuk ka mbaruar me kaq, pasi sportistët bashkë me trajnerët kanë vendosur që të futen në grevë brenda ambienteve të KOKSH dhe nuk do të tërhiqen deri në momentin që vendimi i marrë nga Komiteti Olimpik të tërhiqet. Këta të fundit me anë të një telefonate i kanë njoftuar sportistët që të martën do të ketë një vendim përfundimtarë për këtë çështje.
Trajneri i Erkand Qerimajt dhe ekipit Kombëtar u shpreh se “është mëkat që jemi i vetmi vend në botë që nuk kemi një medalje olimpike dhe sot që këta 3 kampionë janë në formë të shkëlqyer sportive dhe pretendojnë medaljet, KOKSH i mbyll derën”.
