Kreu i Shtetit Ilir Meta e ka shpallur të padëshirueshëm në takimet në Presidencë ambasadorin e OSBE-së, Bernd Borchardt.
Ky vendim ka shkaktuar reagime të shumta. Një prej tyre është edhe ish-deputeti socialist Andis Harasani. Përmes një komenti në “Facebook”-un e tij, Harasani mbështet vendimin e Metës për ambasadorin e OSBE. Me argumentin se “ambasadorë karagjozë me gishta tepër s’kanë vend në institucione”.
“Respekt për @ilirmetazyrtar! Institucionet respektohen. Ambasadore karagjozë me gishta tepër s’kanë vend në institucione!”, shkruan Harasani.
Drejtuesi i zyrës së OSBE në Shqipëri, nuk është më i mirëpritur në Presidencë për dy arsye. E para, sepse Borchardt vuri në diskutim Dekretin e Presidentit për zgjedhjet vendore në Shqipëri në qershor 2019. Dhe e dyta, sepse i tregoi publikisht gishtin banorëve të Astirit, teksa ata po protestonin para drejtorisë së policisë.
Meta merr vendimin e papritur, shpall “non grata” ambasadorin Borchardt
