Ndeshja midis Kroacisë dhe Kosovës është shtyrë pacaktuar për shkak të reshjeve të dendura të shiut. Sfida midis dy vendeve po luhej në kushte aspak normale, ku lojtarët po luanin në baltë dhe jo në një fushë futbollit.
Për këtë arsye, gjyqtari i takimit të ndeshjes ndërpreu takimin në minutën e 27 dhe për këtë UEFA shpërndau një njoftim për mediat. “Për shkak të kushteve të papërshtatshme të fushës, gjyqtari, në bashkëpunim me Delegatin e UEFA-s, ka vendosur që të pezullojë ndeshjen. Një lajmërim do të bëhet nga UEFA në momentin e përshtatshëm rreth vazhdimësisë së ndeshjes”, shkruan në njoftimin e saj organizimi më i madh i futbollit evropian.
Pas këtij njoftimi, gjyqtari i ndeshjes së bashku me dy kapitenët e ekipeve respektive inspektuan fushën nga ku morën vendim për të shtyrë në një ditë tjetër takimin, pasi tashmë prej minutash terreni nuk ishte i përshtatshëm.
