Ditët e para të muajit maj ishin tepër të nxehta, saqë një pjesë e njerëzve nxituan të shkonin edhe nëpër plazhe, por në ditët e fundit ka pasur reshje shiu, dhe kjo situatë meterologjike pritet të vijojë.
Meteorologia Adiola Bani ka zbuluar se si do të paraqitet moti në orët në vijim. Në një intervistë në ”Top Channel”, Dani është shprehur se deri në orët e pasdites së sotme do të vijojë moti me vranësira dhe reshje shiu.
Ndër të tjera, ajo tha se në orët e mbrëmjes do kemi kthjellime dhe reshjet e shiut do të zhvendosen.
Adiola Dani: ”Reshjet e shiut do të vijojnë deri sot pasdite dhe herë pas here do të kemi pushim të tyre herë pas herë, por që gjithsesi do të mbeten prezentë në gjithë territorin. Mbrëmja na sjell përmirësim të situatës, duke bërë që të kemi kthjellime dhe reshjet do të vendosen drejt zonave lindore. Mesdita e së dielës do sjellë shira afatshkurtër, por do jenë të papërfillshme do të thosha, ndërsa fillim java mot me diell.Moti i freskët mbetet sot gjatë gjithë ditës, ku në të gjithë vendin do jetë 23 gradë celsius, ndërsa nga mesdita e dielës dhe në vijim do kemi rritje të ndjeshme të temperaturave deri në 25 gradë celsius.”
