Ditën e djeshme e gjithë bota e artit u trondit pasi reperi i njohur XXXTentacion u qëllua për vdekje në makinën e tij nga disa persona që ende nuk janë identifikuar. Mirëpo pas kësaj ngjarje tragjike të gjithë fansat e tij kanë shpërthyer në komente në Twitter, ku janë shprehur se ish e dashura e tij, Geneva Ayala, duhet të jetë e lumtur për vdekjen e tij.
Siç dihet përpara disa muajsh ai e dhunoi barbarisht vajzën në fjalë, ndonëse e dinte që ajo ishte shtatzënë me fëmijën e tij. Mirëpo së fundmi Geneva ka shpërthyer kundër të gjithë atyre që kanë thënë që ajo është e lumtur.
Ajo ka bërë një postim ku ka treguar se pavarësisht dhunës që ai ushtroi mbi të,ajo është e shkatërrua për humbjen e tij.
“Është e neveritshme që njerëzit po flasin për mua. Nuk më intereson nëse askush nuk kujdesej për mua shumë muaj më parë, unë nuk humba jetën. Ai po. Është e përhershme. Unë jam ende këtu. Si mendoni se më bën kjo të ndihem? Të gjithë që presin që të jem e çliruar apo e lumtur?! Jo, jam zemërthyer”, shkroi ajo në Twitter.
Ndër të tjera 20-vjeçarja kërkoi që të mos ta etiketonin më në postime të pakëndshme pasi donte të ishte e qetë pas humbjes së tij.
“Nuk më intereson për asgjë. Kam humbur dikë të afërm. Më lini të qetë. Nuk dua ta besoj këtë. Askush nuk e kupton atë që ndjej për ty”, shkroi Geneva në një tjetër postim.
