Situata në Kosovë është mjaft e rënduar me të infektuarit. Në kuadër të luftimit të COVID-19, qeveria e Kosovës ka bërë publike masat e reja. Bëhet me dije se qeveria ka pezulluar veprimtarinë e çerdheve publike dhe private, aktivitetet kulturore dhe sportive. Po kështu edhe qendrat tregtare do të ushtrojnë aktivitetin e tyre në një orar të caktuar.
“Janë obliguar të gjitha qendrat tregtare në territorin e Republikës së Kosovës që veprimtarinë tregtare ta ushtrojnë prej orës 05:00 të mëngjesit deri në orën 21:00, duke zbatuar në përpikmëri kushtet sipas manualit për mbrojtje nga COVID-19, e mbi të gjitha mbajtjen e detyruar të maskave dhe krijimin e kushteve për distancë fizike të konsumatorëve”, thuhet ndër të tjera.
