Një aksident është shënuar në orët e para të ditës në autostradën Vlorë-Levan. Aksidenti ka ndodhur pranë vendit të njohur si “Kripa”, ku janë përplasur dy mjete dhe njëri prej tyre ka dalë nga rruga.
Nga aksidenti dyshohet se tre persona kanë humbur jetën. Nuk dihen ende rrethanat e ngjarjes.
Një prej makinave që ka dalë nga rruga, ka pësuar dëmtime të mëdha. Forcat e rendit dhe ambulanca nxjerrin personat e bllokuar në automjet.
Një prej personave që kanë qenë në mjet në momentin e aksidentit, është dërguar më urgjencë në spital në gjendje mjaft të rënduar shëndetësore.
