Një rekord prej 65.6 milionë banorësh janë refugjatë, azilkërkues ose të zhvendosur brenda globit, informoi në një raport Agjencia e Kombeve të Bashkuara (OKB) për Refugjatët.
Shifra e vlerësuar për fundin e vitit 2016 është një rritje prej 300,000 personash krahasuar me vitin 2015.
Komisioneri i lartë i OKB-së për refugjatët, Filippo Grandi e cilësoi shifrën rekord, një dështim të diplomacisë ndërkombëtare.
“Bota duket se është bërë e paaftë për të bërë paqe”, tha z. Grandi.
“Kështu do të shihni konflikte të vjetra që vazhdojnë të zgjaten dhe shpërthejnë konflikte të reja, dhe të dyja prodhojnë zhvendosje … zhvendosja e detyruar është një simbol për luftërat që kurrë nuk përfundojnë”, apeloi ai.
Njerëzit e zhvendosur në botë – në numër
Ekzistojnë 65.6 milionë njerëz të zhvendosur në botë – më shumë njerëz se jetojnë në Britani të Madhe. Nga këto:
22.5 milionë janë refugjatë
40.3 milionë janë të zhvendosur në vendin e tyre
2.8 milionë kërkojnë azil
Nga ku vijnë refugjatët?
Siri: 5.5 milion
Afganistani: 2.5 milion
Sudani Jugor: 1.4 milion
Kush po strehon refugjatët?
Turqi: 2.9 milion
Pakistani: 1.4 milion
Liban: 1 milion
Iran: 979,4000
Uganda: 940,800
Etiopi: 791,600
Ndërsa 6,3 milionë sirianë janë të zhvendosur brenda vendit./bbc/
