Mali Everest është një ëndërr për shumë persona të cilët kërkojnë të ngjiten së paku një herë në “çatinë” e botës. Por ngjitja e Everestit për 48-vjeçarin nga Nepali, Kami Rita, është tashmë një rutinë. Ai u kthye në vendlindje pasi me sukses ngjiti për të 22-tën herë majën më të lartë të botës, Everestin. Kami Rita në vendlindje u prit me buqeta lulesh dhe tradita ceremoniale, bashkë me të ishin edhe dy shoqërues tjerë të cilët janë ngjitur në çatinë e botës 21 herë. Përderisa dy udhërrëfyesit tjerë e mbyllën me kaq karrierën e tyre Kami Rita thotë se planifikon edhe më tej të ngjitet në Everest.
Do të vazhdoj të ngjitem. Ene nuk kam arritur në moshën e pensionimit. Deri sa të pensionohem do vazhdoj të jem udhërrëfyes në Eversest. Nuk kam pse të përgatitem për në Everest pasi këtë vit planifikoj të ngjis disa maje tjera – thotë Kami Rita, udhërrëfyes në Everest.
Kami Rita për herë të parë majën e Eversestit, 8 848 metra të lartë, e shkeli në moshën 24 vjeçare dhe këtë ngjitje e ka bërë gati çdo vit më pas. Prej atëherë ai ka ngjitur edhe majat më të larta dhe të rrezikshme në rajonin e Nepalit.
