Regjisori Laert Vasili ka lëshuar një deklaratë të fortë, teksa ka qenë i ftuar në emisionin “360 Gradë” në “Ora News”. Sipas tij, duhet të jemi gati të derdhim gjak për bashkimin kombëtar. Ai ka thënë më tej se çdo fitore merret me gjak, dhe se është koha e duhur nëse e duam bashkimin me Kosovën.
Vasili: Unë mendoj se sot më tepër se kurrë, është çast historik. Ky bashkim kombëtar është nevojë që rri pezull këtu e më tepër se një shekull. Është çasti që shqiptarët të ndërgjegjësohen. Nëse e duam bashkimin me Kosovën, atëherë le të ndjekim njerëz të cilët e kanë këtë ideal. T’u ofrojmë atyre ndihmën tonë.
Zheji: Ishte dakord për të paguar një taksë bashkimi?
Vasili: Unë nuk mendoj se duhet të jepet një taksë. Çdo fitore merret me gjak. Taksa është shumë pak. Duhet të jemi gati të derdhim gjakun, nëse është e nevojshme për këtë bashkim kombëtar. Taksa është shumë pak.
Kulla: E di ti sa kushton një luftë? Po u derdh gjaku, gjaku me luftë bëhet.
