Rajoni

Refugjati shqiptar arrin të bëhet pjesë e ushtrisë amerikane (Video)

               Publikuar në : 22:11 - 21/07/19 Enno

Periudha e luftës në Kosovë, ashtu sikurse për të gjithë shqiptarët, e vështirë ka qenë edhe për Arbnor Shalën, nga fshati Shkabaj i Prishtinës.

Në moshën 5-vjeçare, Arbnori së bashku me familjen, nga kampi i refugjatëve në Maqedoni, vendoset në Amerikë. Edhe pse e la vendin në luftë, ai kurrë nuk e harroi atë.

Kështu, ai vazhdoi studimet në Amerikë, për t’i realizuar qëllimet jetësore.

Shala ka përfunduar Fakultetin e Kriminalistikës, për t’u bërë pastaj pjesë e Ushtrisë Amerikane për Mbrojtjen e Ujërave.

Ai arriti të bëhet pjesë e kësaj force si shqiptar i vetëm, në mesin e 41 mijë ushtarëve të tjerë.

Në kohën sa po avancohej në këtë fushë, Shala ka kaluar nëpër shumë vështirësi.

Ndër to është edhe aksioni për kapjen e një nëndetëseje të huaj, që përmes ujit po transportonte në mënyrë ilegale mbi 7 mijë kg kokainë, në vlerë të 569 milionë dollarëve.

My company and I singing cadence on graduation day. If you listen, we sing about Kosovo. For those of you who don’t know I’m from Kosovo & the United States saved my family and I from ethnic cleansing and we came to this great country as refugees of war so being able to sing this on graduation day was one of the proudest moments not only for my family and myself, but every Albanian. #UnitedStatesCoastGuard Koleget dhe unë këndojm ritëm në ditën e diplomimit. Nëse dëgjoni, këndojmë për Kosovën. Për ata që nuk e dinë Shtetet e Bashkuara kanë shpëtuar familjen time dhe unë nga pastrimi etnik dhe kemi ardhur në këtë vend të shkëlqyer si refugjatë lufte. Duke qenë kështu në gjendje ta këndonim këtë ditën e diplomimit ishte një nga momente krenare, jo vetëm për mua dhe familjen time, por për çdo shqiptar.

Gepostet von Arbnor Shala am Montag, 10. Dezember 2018

Gjithë këtë, ai po e bën që ta falënderojë Amerikën për kontributin që ka dhënë kjo e fundit gjatë luftës në Kosovë, raporton KTV.

Arbnori tregon se në kohën kur ka diplomuar, ka biseduar me komandantin e Ushtrisë për Mbrojtjen e Ujërave, i njëjti që për 6 muaj pati shërbyer gjatë luftës në Kosovë.

Kjo kërkesë e tij, drejtuar komandantit, ishte mburrje për të dhe familjen e tij.

Në këtë mënyrë, ai arriti ta përmendte Kosovën para ushtrisë, e po ashtu të dëshmonte që populli kosovar është përherë falënderues ndaj Amerikës.

25-vjeçari, që së shpejti do të ngrihet në shkallën e 5-të të ushtrisë, synon që në të ardhmen të bëhet epror në kuadër të kësaj ushtrie.

Kthehu
WhatsApp Denonco ne TT