Në një prononcim për mediat, deputeti Enkelejd Alibeaj ka folur për qëndrimin ndaj reformës territoriale. Alibeaj ka akuzuar qeverinë dhe mazhorancës socialiste se ka një skenar që përmes kësaj reforme, të përgatisë “fitoren e zgjedhjeve lokale të 2023 në tavolinë”.
Kryetari i Grupit Parlamentar të PD-së, Enkelejd Alibeaj, e ka cilësuar si provokim deklaratën e Taulant Ballës, i cili tha se PS do t’i qëndrojë hartës aktuale territoriale. Për Alibeajn, PS-ja kërkon sërish që të fitojë zgjedhjet në tavolinë, ndërsa shton se nuk mund të flasin pa përfunduar komisioni. Alibeaj i bëri thirrje edhe deputetëve të Rithemelimit të bëhen bashkë, për të çuar deri në fund propozimet që kanë për reformën territoriale.
“Një gjë që na vendos në një detyrim për ta çuar deri në fund, për ti dhënë një reformë shqiptarëve, por një rast i i mire për ti bërë thirrje të gjithë deputetëve të PD-së pa asnjë lloj dallimi, se është një cështje që na është kërkuar ne që të ketë një ridimensionim të reformës teritoriale e kjo është ajo që do bëjmë. Një thirrje për të gjithë deputetët për të shkuar e mbështetur atë që është nevoja e interesi i shqiptarëve.
Kjo që bëmë ne me kërkesën për ngritjen e reformës administrative territoriale, është një test i funksionimit të demokracisë parlamentare.
Kur bëhet fjalë për çështje me kaq rëndësi që nuk do duhet t’i ndajnë politikisht palët se janë çështje që prekin të majtë e të djathtë të ardhmen afatmesëm e afatgjatë të demokracisë, këtu s’mund e s’duhet përdorur asnjëherë forca e kartonit, aq më keq kur është forcë kartoni i vjedhur”.
