Takime të rëndësishme po zhvillohen sot, teksa përfaqësues të huaj të EURALIUS kanë zbarkuar në zyrën e Prokurores së Përgjithshme, Arta Marku.
Ndërkohë, nga ana tjetër, ambasadori amerikan Donald Lu dhe ajo e BE-së, Romana Vlahutin, po zhvillojnë një takim me ministrin e Brendshëm, Fatmir Xhafaj.
Këto takime vijnë teksa të hënën është caktuar që të nisë puna për zgjedhjen e Këshillit të Lartë të Prokurorisë dhe Këshillin e Lartë të Gjykatës.
Aktualisht në garën për KLP janë 17 prokurorë, nga të cilët do të zgjidhen 6 dhe më pas do të bashkohen me 5 anëtarë të tjerë, të cilët do të jenë nga jashtë sistemit të prokurorisë për të plotësuar numrin prej 11 anëtarësh nga të cilët përbëhet KLP.
Para pak kohësh, kryeprokurorja Arta Marku hoqi dorë nga gara për anëtare të KLP-së.
