Kryeministri Edi Rama ka shmangur transparencën në lidhje me ndihmën juridike që duhet të japë shoqëria civile për të ofruar ndihmë juridike në nenin 15 të “Ndihmën Juridike të Ofruar nga Shteti” sa i përket Reformës në Drejtësi.
Ligji parashikon që shoqëria civile të sigurojë ndimë juridike me format, kushtet, procedurën dhe rregullat për organizimin dhe administrimin e ndihmës juridike të garantuar nga shteti, me qëllim mbrojtjen e të drejtave themelore të individit dhe të interesave të ligjshëm të tij. 
Në bazë të këtij ligji dhe neni 15 theksohet se pas një procesi konkurrues dhe transparent bëhet përzgjedhja. Procedura, rregullat e përzgjedhjes së organizatave jofitimprurëse të autorizuara, që përfitojnë financime nga buxheti i shtetit dhe mënyra e financimit të tyre përcaktohen me vendim të Këshillit të Ministrave.
Kjo nuk është respektuar nga kryeministri Rama, pasi ligji nuk është përpiluar nga ekspertë, por edhe transparenca ka munguar. Nga ana tjetër kreytarja e LSI-së, Monika Kryemadhi ka denoncuar këtë akt, që sipas saj, Rama kërkon bllokimin e Reformës në Drejtësi.
“Neni i sponsorizuar nga Edi Rama synon qartas bllokimin e Këshillit të Lartë të Prokurorisë dhe për rrjedhojë të SPAKUT dhe të Byrosë së Hetimit”-shkruan Kryemadhi.
Ajo thekson se asnjë manovër e ndihmuar edhe nga segmentet e shoqërisë civile, nuk mund ta zgjasë rrugën e kësaj qeverie, që sipas Kryemadhit, ajo erdhi në pushtet me paratë e krimit.
“Edi Rama dhe mentorët e tij të inkriminuar duhet ta kenë të qartë se asnjë manovër e ulët në bashkëpunim me segmente të shoqërisë civile nuk mund ta zgjasë asnjë orë më shumë fundin e parashkruar të një qeverie që erdhi në pushtet dhe ende mbahet në këmbë nga paratë e trafikut të drogës”-thekson ajo.
